ՍԻՐՈՒՑ ԾՆՎԱԾ ԽՈՍՔԵՐ

-Սիրում եմ քեզ,- այս խոսքերը
Հոգիս են ալեկոծում,
Սիրուց ծնված բյուր իղձերը
Սիրտս են փոթորկում...
Քեզ հետ կապված իմ հույսերը
Կյանքս են երջանկացնում,
Քեզնով ապրելու տենչերը
Միտքս են լուսավորում...
Եվ այդպես լուսավոր
Քեզ մոտ եմ գալիս...
Եվ այդպես լուսավոր
Քեզ մոտ եմ գալիս,
Սիրտս սերս ու հոգիս
Ես քեզ եմ տալիս...
Վերցրու, պահիր այն քեզ մոտ
Սրտումդ այն պահիր,
Բայց խնդրում եմ ոչ մի դեպքում
Հեռու մի վանիր...
Ես ապրում եմ հիմա, քանզի
Քո սերն է կողքիս,
Որը կարծես դարձած լինի
Արևը կյանքիս...
Այդպես շողա դու իմ սրտում,
Ժպտա լի ջերմությամբ,
Քո ժպիտով կյանքս է հառնում
Լցվում երջանկությամբ...
Երջանկացրու քո ժպիտով
Երջանկացնեմ ես քեզ,
Փայլիր անմար քո ջերմությամբ,
Քեզնով փայլեմ և ես...