ՍԵՐԸ

Սերը թանկ է, սերը կյանք է,

ՍԵրը գանձ է.մեծ, անգին,

Սերը հուշ  է, սերը փուշ  է,

Սերը  հույզ է թանկագին:

Սերը երգ  է, սերը վերք է,

Սերը թախիծ է, բերկրանք,

Սերը իղձ  է, սերն անպիղծ  է,

Սերն ամրոց է ու վեհ կյանք:

Սերը վանք է, սերը հանք է,

Մի մեծ աշխարհ է այն թանկ,

Սերն անրջանք ու պատրանք է,

Հուշերի աշխարհ անտակ:

Սերը վերք է, սերը բերք է,

Երազան է ու կսկիծ,

Սերը ծաղկող նորատունկ է,

Ցավ, արտասուք ու թախիծ:

Այն ծնվում է սրտում արդար,

Ու ապրում է դարեդար,

Սերը սրտի քաղցր ճիչն է,

Անուշ կարոտ է արդար:

Սերը իղձ է, սերն անպիղծ է,

Մեծ աշխարհ երազանքի,

Սիրո երկինքն աստղալից է,

Մի մեց  գիրք է պատրանքի:

Սերը գանձ է, սերն անսանձ է,

Այն նվերն է աստծո,

Աստվածային ուժով օժտված,

Կյանքի ճիչն է աստծո: