div id='wrapper-video'>

Բարի գալուստ Գոռ Վարդանյանի անձնական բլոգ... Այստեղ գրված յուրաքանչյուր միտք հեղինակի մտավոր սեփականությունն է և յուրաքանչյուրն, ով կցանկանա ինչ-որ կերպ կիսվել ստեղծագործությամբ կամ տարածել այն` պարտավոր է նշել հեղինակի անուն-ազգանունը, կամ հղում կատարել դեպի հեղինակի անձնական բլոգ... Շնորհակալություն և բարի ընթերցում...

11.11.2016

ՔՈ ՍՐՏԻ ԱՄԵՆ ԶԱՐԿԻ ՀԵՏ

Այնտեղ, ուր բարին է ապրում,
Քո սիրտն է բաբախում անվերջ,
Քո սրտի քնքույշ զարկերից
Գարուն է միշտ ծաղկում անշեջ…
Ծաղկում է ծառ ու ծաղիկով,
Շղարշվում շողերով արևի,
Պարուրվում մեղմ քամու համբույրով,
Ջերմանում ջերմությամբ սրտերի…
Այնտեղ, ուր քո սիրտն է ապրում,
Ապրում է սերն իր զորությամբ,
Քո անուշ աչքերի օվկիանում
Շողում է կյանքը բարությամբ…
Ապրում է աշխարհը հույզերով,
Ապրում է իղձերով բազում,
Քո սրտի ամեն զարկի հետ,
Երկնքում նոր աստղ է ծնվում…
Ծաղկում է նոր ծաղիկ դրախտում,
Նոր կյանք է հառնում աստղերից,
Գարուն է բացվում աշխարհում
Քո սրտի ամեն մի զարկից…


Դեպի վերև Դեպի սկիզբ Դեպի վերջ Դեպի ներքև Ընթերցում Դադար