ԲԱՐԵՎ ՍԻՐԵԼԻՍ

Բարև սիրելիս...
Դու նորից եկար...
Նորից ինձ եկար 
Այցի երազում...

ԳՐԱՆԿԱՐ 23

ԳՐԱՆԿԱՐ 22

ԳՐԱՆԿԱՐ 21

ԳՐԱՆԿԱՐ 20

ԳՐԱՆԿԱՐ 19

ԱՄԵՆ ԲԱՆ ՓՈԽԱԴԱՐՁ Է

Օրերից մի օր, երբ պատահաբար
Մենք կհանդիպենք, դու չզարմանաս
Իմ վերաբերմունքից..
Իմ սառնությունից, անտարբերության
Մեծ չափաբաժնից, սառույցի նման
Սառը հայացքից...
Դու չզարմանաս քեզ հետ խոսելու,
Եվ քեզ տեսնելու մեծն փափագի
Բացակայությունից...
Եվ այն կարոտի մեծ չափաբաժնի,
(Որը հիմա կա իմ սրտի խորքում),
Բացակայությունից...
Երբ քեզ հետ խոսեմ օտարի նման,
Եվ դու էլ չզգաս այն ջերմությունը քո հանդեպ տածած,
Զուր չզարմանաս...
Լինում է այդպես, երբ անկեղծ սիրով
Նվիրվում ես, բայց հանդիպում ես լոկ
Անտարբերության...

ԵՎ ԼՈՒՌ ՀԵՌԱՑԱՐ

Մի անկեղծ սիրով ես քեզ սիրեցի,
Դու իմ սիրո մեջ կեղծիքը գտար,
Որն իրականում այնտեղ չկար...
Մի անկեղծ սիրով կյանքս նվիրեցի,
Դու հանկարծ գտար այն չնվիրածը,
Որն իրականում գոյություն չուներ...
Դու տեսար իմ մեջ ինչ-որ օտարի,
Ով իրականում գոյություն չուներ,
Բայց դու դա գտար...
Դու գտար իմ մեջ ինչ-որ սառնություն,
Կեղծ ինչ-որ զգացում,
Որն իրականում խաբկանք էր հարկավ...
Չկար նման բան և չէր էլ կարող
Գոյություն ունենալ իրականում,
Քանզի անկեղծ էր ինձ մոտ ամեն բան...
Իմ սիրով անկեղծ աշխարհ ստեղծեցի,
Եվ նվիրեցի քեզ անմնացորդ...
Ես նվիրվեցի անմնացորդ...
Սակայն դու մեկ է դա չհասկացար,
Շարունակ փնտրեցիր ինչ-որ մի կեղծիք,
Բայց չհասկացար՝ նման բան չկա...
Ես կյանքս, սերս սիրտս ու հոգիս
Անմնացորդ վերցրեցի՝ քեզ նվիրեցի...
Դու դա չհասկացար, չգնահատեցիր...
Եվ լուռ հեռացար...

ԱՓՍՈՍ ՉՀԱՍԿԱՑԱՐ

Ափսո՜ս, բայց դու չհասկացար
Քո դերն իմ կյանքում,
Ափսո՜ս, բայց դու չհասկացար
Քո տեղն իմ կյանքում...
Դու չտեսար, որ առանց քեզ,
Կյանքն այս չունի գույն ինձ համար,
Դու չտեսար, որ քեզ հետ ես
Բերում գույները անհամար...
Չհասկացար, որ պատրաստ եմ
Կյանքս զոհել լոկ քեզ համար,
Չհասկացար, որ պատրաստ եմ
Ժպիտ ստեղծել լոկ քեզ համար...
Որ պատրաստ եմ երջանկացնել,
Արև ստեղծել լոկ քեզ համար...
Արև, որը միշտ կփայլեր,
Միշտ կշողար լոկ քեզ համար,
Արև, որը կլուսավորեր
Ճանապարհդ լույսով անմար...
Ափսո՜ս, բայց դու չհասկացար,
Գնահատել չկարողացար,
Այն մեծ սերը սրտումս ապրող,
Որով քեզ էի շրջապատել...
Հանուն որի երկար կյանքի
Պատրաստ էի աշխարհ քանդել,
Նորը կերտել, նորը ստեղծել,
Եվ աշխարհն այդ քեզ նվիրել...
Աշխարհ, որտեղ կապրեիր անհոգ,
Սիրով լցված կյանքի ծովով,
Աշխարհ, որտեղ չկար չարիք,
Քանզի դու կաիր, որպես բարիք...
Ափսո՜ս, որ դու չհասկացար,
Որ ամենն այս կործանեցիր,
Մեկ վայրկյանում կյանքն այս բարի
Իմ հոգու մեջ չարացրեցիր...
Բարին, որը քեզ էի տալիս
Սպանեցիր չարի ձորում,
Մարեցիր լույսն այն արևի,
Որ քեզ համար էր շողշողում...

ԿԱՆ ԵՍ ՈՒ ԴՈՒ

Մենք չկանք,
Կան Ես ու Դու,
Երկու էակ անծանոթ,
Չէ շատ ծանոթ, մտերիմ,
Մեր սրտերն են անծանոթ...
Մեր սրտերն իրար օտար,
Մեր սրտերը շատ հեռու,
Մեր սրտերն անչափ սառը,
Եվ ոչինչ չի փոխվելու...
Իմ սիրտը միշտ կարոտով
Հետևում է քեզ լռին,
Բայց քո սիրտը անչափ պաղ
Չի տեսնում ինձ քո կողքին...
Դու ինձ համար անչափ թանկ,
Աստծո պարգև ես կարծես,
Աստծո պարգև է նաև
Քո սերն, որ ինձ տվեց կյանք...
Աղոթում եմ ամեն օր,
Որ նորից քեզ հանդիպեմ,
Նայեմ չքնաղ աչքերիդ,
Որ կարոտին ես հաղթեմ...
Աղոթում եմ քեզ համար,
Որ երջանիկ միշտ լինես,
Քեզ երջանիկ տեսնելով
Երջանկանամ նաև ես...
Երջանկությունն ես դու իմ,
Բայց քոնը ես չեմ հարկավ,
Չհասկացա, թե ինչու,
Լուռ եկար՝ լուռ հեռացար...

ԳՐԱՆԿԱՐ 18

ԴԱ ԱՆՉԱՓ ԲԱՐԴ Է, ԲԱՅՑ ՊԻՏԻ ՓՈՐՁԵՄ

Ես քեզ մոռանալ, այո. կարող եմ,
Բայց անկարող եմ ինքս ինձ համոզել,
Որ դու էլ չկաս... Չէ կաս, բայց չկաս
Միայն իմ կյանքում...
Քեզ մտքիցս հանել, այո. կարող եմ,
Բայց անկարող եմ ինքս ինձ ստիպել,
Քեզ մտքիցս հանել... Դու հենց իմ միտքն ես,
Որ ապրում ես միշտ իմ երազներում...
Դու ապրում ես միշտ անմար հուշերում,
Որոնք ստեղծվել են հենց քո պատկերով
Մի ակնթարթում, որը շուտ անցավ,
Անձայն, բայց ոչ անցավ...
Ինքս ինձ համոզել. որ դու էլ չկաս,
Ես անկարող եմ, բայց հասկանում եմ
Որ պետք է հարկավ մտքիցս հանեմ
Որ քո կարոտից կյանքս չզոհեմ....
Դա անչափ բարդ է, բայց պիտի փորձեմ...

ԵՏ ԱՐԻ

Ետ արի, դու պետք ես ինձ,
Ետ արի լսու՞մ ես,
Ետ արի նոր կյանք բեր ինձ,
Կյանք, որտեղ լոկ դու ես...
Ետ արի ու բեր քեզ հետ
Գարունները այն,
Գարուններ, որոնք քեզ հետ
Տարել ես անձայն...
Ետ արի, բեր նոր գույներ
Աշխարհին այս մեծ,
Նոր քնքշանք, արև ու սեր
Ջերմություն ինձ բեր...
Բեր նոր սեր, իմ սիրտն ինձ բեր,
Թող, որ ես ապրեմ,
Քո սերն է պետք, քո սերն ինձ բեր,
Քո սիրով արբեմ...
Ետ արի, խնդրում եմ քեզ,
Քեզ շատ եմ սպասել,
Գտել եմ՝ նորից կորցրել,
Քեզնով եմ ապրել...
Դու պետք ես ինձ հասկացիր,
Արի վերջապես,
Թեկուզ մեկ ակնթարթ,
Արի՝ տեսնեմ քեզ...
Արի կարոտս առնեմ,
Քեզնով հիանամ,
Ողջ սերս քեզ նվիրեմ,
Միշտ կողքիդ մնամ...
Ետ արի, դու պետք ես ինձ ...

ՕԳՆԻՐ

Օգնիր ինձ մի հարցում խնդրում եմ,

Օգնիր ինձ մոռանալ քեզ,
Օգնիր քեզ հեռացնել իմ սրտից ,
Օգնիր, օգնիր ինձ վերջապես...
Օգնիր ինձ, որպեսզի հասկանամ,
Որ դու իրական չես. էլ չկաս,
Որ դու աներևույթ մի էակ ես,
Օգնիր, ինձ էլ չփնտրել քեզ...
Չեմ ուզում ապրել այսպես,
Այսքան անորոշ աշխարհում,
Ամեն տեղ տեսնում եմ ես քեզ,
Քեզ միայն կողքիս չեմ տեսնում...
Օգնիր, որ սթափվեմ վերջապես,
Եվ նորից ապրել ինձ օգնիր,
Սովորեցրու ապրել առանց քեզ,
Եվ այդպես իմ կյանքը փրկիր...
Օգնիր ինձ հաշտվել վերջապես,

Որ դու կաս, բայց չկաս իմ կյանքում,

Եվ օգնիր սրտիս հասկանալ,

Որ նա քեզ իզուր է սպասում...

ԳՐԱՆԿԱՐ 17

ԳՐԱՆԿԱՐ 16