ՔԵԶ ՀԵՏ ԿԼԻՆԵՄ ՄԻՇՏ

Ես միշտ քեզ հետ եմ,
Քեզ հետ, քո կողքին,
Ինչ էլ որ լինի
Ես քեզ չեմ լքի..
Քեզ հետ է նաև սիրտս,
Եվ հոգիս հավետ քո կողքին,
Քո շորջն է պտտվում միտքս,
Պահապան կլինեմ քո կողքին...
Պատրաստ եմ օգնելու քեզ միշտ,
Խորհուրդներ տալ պարզ,
Քեզ ցույց տալ ճանապարհը ճիշտ,
Եվ երկինքը զուլալ ու պարզ...
Պատրաստ եմ փրկել քեզ չարից,
Եվ բարին տարածել շուրջբոլոր,
Նոր ճամփա արարել վարդերից,
Վարդի բույր տարածել շուրջբոլոր...
Ես պատրաստ եմ մահվան հետ կռվել,
Քեզ փրկել մահվան ճիրաններից,
Իմ կյանքը փոխել քո կյանքով,
Միայն, թե չբաժանվեմ քեզանից...
Պատրաստ եմ աշխարհը փոխել,
Եվ դարձնել այն մի դրախտավայր,
Քեզ համար մի նոր դրախտ ստեղծել՝
Հրաշքներով լեցուն մի վայր...
Քեզ հետ կլինեմ և այն ժամ,
Երբ անգամ մահացած կլինեմ,
Աչքերս հավիտյան փակված.
Սակայն քեզ ես միշտ կտեսնեմ...
Եվ ոչինչ չի կարող ինձ ստիպել,
Ինչ որ կերպ մոռանալ քեզ,
Ինչ որ կերպ մտքիցս քեզ հանել,
Էլ ուր է, թե լքեմ քեզ...