ԵՐՋԱՆԻԿ ԵՄ ՔԵԶԱՆՈՎ

Ես ուզում եմ անվերջ լինել քո կողքին,

Թեկուզ կյանքում վերջին անգամ,

Նայել չքնաղ քո աչքերին

Հայացքով սիրահարված...

Ես ուզում եմ անվերջ ժպտալ

Այս աշխարհին քո ժպիտով,

Եվ մեծ սիրով այն պարուրել՝

Քո սիրուց խենթացած...

Ես ուզում եմ անվերջ փայլել.
Անվերջ շողալ քո շողերով,

Եվ դեգերել աշխարհներով

Լոկ քո սիրով խելագարված...
Ես ուզում եմ երջանկացնել,

Եվ քո կողքին երջանկանալ,

Եվ պարուրել սիրով անսպառ

Քո մեծ սիրտը արև դարձած...